Bilang rural bank subsidiary ng BDO Unibank Inc., ang pinakamalaking bangko sa Pilipinas, kami sa BDO Network Bank (BDONB) ay naniniwala sa kakayahang umasenso ng bawat miyembro ng komunidad sa Pilipinas. Dati ay kilala rin ang BDONB sa pangalang One Network Bank, Inc. (ONB), at mula noon hanggang ngayon, patuloy kami sa paglilingkod sa mga komunidad na malayo sa mga siyudad. Nagbibigay kami ng mga produktong pinansiyal na akma sa pangangailangan ng mga nasabing komunidad tulad ng loans, deposits, cash management, remittance at bills payment services.

Sinisikap naming maihatid ang aming mga serbisyo sa mas maraming Pilipino sa buong bansa. Patuloy ang pagpapalago ng aming mga branches at loan offices na ngayon ay higit na sa 500 offices nationwide.

Mahalaga sa amin na dumami pa ang matulungang maiangat ang kabuhayan at mapabuti ang kinabukasan. Prayoridad namin sa BDONB na bigyang buhay ang financial inclusion sa bansa, sa paniniwalang ito ay susi sa pag-unlad ng pangkalahatan.